logo

आइतबार, मंसिर १४ २०८२

kantipurpationlinetv

२०८२ मंसिर १४ आइतबार

नारेश्वर विकास समाज, गोरखाको अध्यक्षमा लव कुमार भट्ट

नारेश्वर विकास समाज, गोरखाको अध्यक्षमा लव कुमार भट्ट


  • आइतबार, मंसिर १४ २०८२
  • 16.4K
    SHARES

    काठमाडौँ — नारेश्वर विकास समाज, गोरखाले काठमाडौँमा आयोजना गरेको विशेष कार्यक्रममार्फत नयाँ कार्यसमिति गठन गरिएको छ। सर्वसम्मत निर्णयका आधारमा लव कुमार भट्टलाई संस्थाको अध्यक्षमा चयन गरिएको समाजले जानकारी दिएको छ।

    नेपाली संगीत तथा सञ्चार क्षेत्रमा लामो समयदेखि सक्रिय भट्टले नारेश्वर क्षेत्रलाई गीतमार्फत चिनाउन महत्वपूर्ण भूमिका खेलेको भन्दै कार्यक्रमका सहभागीहरूले उनको योगदानको प्रशंसा गरेका थिए।

    कार्यक्रममा समाजले संस्थाको संरचना, उद्देश्य तथा आगामी कार्ययोजना सार्वजनिक गर्दै सामुदायिक विकासका विभिन्न क्षेत्रमा सक्रिय रूपमा काम गर्ने प्रतिबद्धता जनायो। वातावरण संरक्षण, जलस्रोत व्यवस्थापन, शिक्षा, स्वास्थ्य, सरसफाइ, मानवअधिकार, सामाजिक सुरक्षा, विपद् पूर्वतयारी तथा राहत, बालबालिका–युवा–महिला सशक्तीकरण, सुशासन प्रवर्द्धन, सीप विकास र स्थानीय क्षमता अभिवृद्धिलाई प्रमुख कार्यक्षेत्रका रूपमा घोषणा गरिएको छ।

    योजना कार्यान्वयनका लागि स्थानीय तहदेखि संघीय निकायसमेतका सरकारी संरचना, दातृ संस्था, सामुदायिक संगठन तथा अन्तर्राष्ट्रिय संयन्त्रसँग सहकार्य गर्दै अध्ययन, अनुसन्धान, तालीम, जागरण कार्यक्रम तथा सामाजिक विकाससम्बन्धी परियोजना सञ्चालन गरिने समाजले जनाएको छ।

    भट्टको अध्यक्षतामा गठन भएको २५ सदस्यीय कार्यसमितिमा उपाध्यक्षमा लोख बहादुर बोगटी र सरस्वती सुनार, सचिवमा आकाश अर्याल, कोषाध्यक्षमा सन्तोष अधिकारी तथा सदस्यहरूमा सुलभ अधिकारी, धुर्व अधिकारी, सुनिल थापा, अमृत सुनार, रबिन बाबु बोगटी, कृष्ण अधिकारी, कल्याण बोगटी, सुमित भट्ट, दिलबहादुर अधिकारीलगायत अन्य व्यक्तिहरू रहेका छन्।

    कार्यक्रममा वरिष्ठ समाजसेवी प्रेम बहादुर थापा र शिक्षाविद् विनोद तिवारीको विशेष उपस्थिति थियो। उनीहरूको अभिभावकत्वमा नै समाजको औपचारिक गठन भएकाे बताइएको छ। गोरखाको नारेश्वर क्षेत्रमा जन्मिएर काठमाडौँ उपत्यकामा बसोबास गर्दै आएका व्यक्तिहरूको उल्लेखनीय सहभागिताले कार्यक्रम उत्साहपूर्ण बनेको थियो।

    कार्यक्रममा सहभागी तथा सरोकारवालाले नयाँ नेतृत्वले संस्थालाई अझै सक्षम, व्यवस्थित र परिणाममुखी रूपमा अगाडि बढाउने विश्वास व्यक्त गरेका छन्।


    प्रतिक्रिया दिनुहाेस्
    सम्बन्धित

    Copyright © All right reserved to kantipurpati.com Site By :TriTech