logo

आइतबार, मंसिर १४ २०८२

kantipurpationlinetv

२०८२ मंसिर १४ आइतबार

महेश बस्नेतको विरोधमा दुहबीमा युवाहरूको विरोध प्रदर्शन

महेश बस्नेतको विरोधमा दुहबीमा युवाहरूको विरोध प्रदर्शन


  • आइतबार, मंसिर ७ २०८२
  • 4.7K
    SHARES

    विराटनगर । नेकपा एमालेका नेता महेश बस्नेत सुनसरी पुगेपछि जेनजिहरूले विरोध प्रदर्शन गरेका छन्। बस्नेत र एमाले नेता भानुभक्त ढकाल सवार गाडी क्रस भएर अघि बढिसकेपछि दुहबीमा स्थानीय युवाहरूले टायर बालेर प्रदर्शन गरेका थिए।

    जिल्ला प्रहरी कार्यालय सुनसरीका डिएसपी चन्द्र खड्काका अनुसार सडकमा बालिएको आगो प्रहरीले हटाइसकेको छ। उनले भने, ‘उहाँहरु क्रस भइसकेपछि टायर बालिएको थियो, तर प्रहरीले तत्काल क्लियर गरिसकेको छ।’

    त्यसअघि विराटनगर विमानस्थल नजिकैको सडकमा दुईजनाको समूहले बस्नेत सवार गाडीमाथि रातो मसी प्रहार गरेको थियो।

    प्रहरीले मसी प्रहार गर्ने विराटनगर–१ का सन्जोग गौतम र विराटनगर–२ का अर्पित कुँवरलाई पक्राउ गरिसकेको छ। अनुसन्धान अनुसार, सन्जोग गौतम नेपाल विद्यार्थी संघ मोरङको जिल्ला सदस्य हुन् भने अर्पित कुँवर पनि नेविसंघसँग निकट रहेका छन्।


    प्रतिक्रिया दिनुहाेस्
    सम्बन्धित

    Copyright © All right reserved to kantipurpati.com Site By :TriTech