काठमाडौँ । छोटो समयमै सामाजिक सञ्जाल र नेपाली गीत सङ्गीत क्षेत्रमा छुट्टै पहिचान बनाउन सफल टिकटक स्टार तथा समाजसेवी अशुंबर्मा काठमाडौँमा सम्पन्न ‘नवौँ राष्ट्रिय रापति म्युजिक अवार्ड–२०२५’ समारोहबाट ‘बेस्ट पब्लिक च्वाइस’ अवार्ड हात पार्न सफल भएका छन्।

वरिष्ठ हास्यकलाकार मदन कृष्ण श्रेष्ठको प्रमुख आतिथ्यतामा नेपाल पुलिस क्लब भवन, भृकुटीमण्डपमा सम्पन्न कार्यक्रममा अशुंबर्माले आफ्नो गीत ‘सिन्दुर फेर्न मिल्छ’ मार्फत दर्शक तथा स्रोताको अत्यधिक समर्थनका आधारमा उक्त अवार्ड प्राप्त गरेका हुन्।

छोटो समयमै लोकप्रियता हासिल गरेका अशुंबर्मा संगीतसँगै सामाजिक सेवामा समेत सक्रिय रहँदै आएका छन्। उनले अवार्ड प्राप्त गरेपछि यस सम्मानले आफूलाई अझ जिम्मेवार र गुणस्तरीय सिर्जनातर्फ अघि बढ्न प्रेरणा मिलेको बताएका छन्।