‘द भ्वाइस अफ नेपाल’ सिजन ७ को उपाधि नीताकुमारी थापा मगरले जितेकी छन्। उनी ‘द भ्वाइस अफ नेपाल’को इतिहासमा उपाधि जित्ने पहिलो महिला प्रतिस्पर्धी बनेकी हुन्।
शनिबार हिमालय टिभीबाट प्रसारित ग्रान्ड फिनालेमा कोच राजु लामा को टिमकी प्रतिस्पर्धी नीताकुमारीले उत्कृष्ट प्रस्तुति दिँदै उपाधि उचालेकी हुन्।
यसैगरी, कोच खेम सेन्चुरी को टिमका सागर संसार राई प्रथम उपविजेता घोषित भए। कोच प्रमोद खरेल को टिमकी पुनम गुरुङ द्वितीय उपविजेता बनिन् भने कोच मेलिना राई को टिमकी सञ्जिता दुरा तृतीय उपविजेता घोषित भइन्।
फिनाले कार्यक्रममा हिमालय टिभी का अध्यक्ष धर्मराज भुसाल र कार्यकारी निर्देशक श्याम कँडेलले विजेता तथा उपविजेतालाई पुरस्कार प्रदान गरेका थिए।
शुक्रबार र शनिबार प्रसारित फिनाले एपिसोडमा यस सिजनका अन्य प्रतिस्पर्धीहरूले पनि आकर्षक सांगीतिक प्रस्तुति दिँदै कार्यक्रमलाई भव्य बनाएका थिए।
