काठमाडौं: लोकगायक प्रकाश कटुवालले नयाँ लोकगीत ‘कटुवालको छोरो म त…’ सार्वजनिक गरेका छन्।

गीतमा शब्द, संगीत र स्वर सबै कटुवाल स्वयंको रहेको छ। आफ्नो थर, जातीय पहिचान, र संस्कारप्रतिको गर्व गीतमार्फत व्यक्त गरिएको छ। गीतले कटुवाल समुदायको मात्र नभइ, समग्र नेपाली समाजको श्रमशीलता, माटोप्रेम र संस्कृति प्रतिको निष्ठालाई समेटेको छ।

गीतमा लोकधुनको मिठास, ग्रामीण परिवेश र संस्कृतिको झल्को पाइन्छ। भिडियोलाई शंकर बी.सी. ले निर्देशन गरेका छन् भने भिडियोमा नेपाली पहिचान झल्काउने दृश्यहरू समेटिएका छन्।

कटुवालले गीतमार्फत जातीय गौरवसँगै आत्मविश्वास र नेपाली समाजप्रतिको योगदानलाई उजागर गर्न खोजेको बताएका छन्।

‘कटुवालको छोरो म त…’ प्रकाश कटुवालको अफिसियल युट्युब च्यानलमार्फत सार्वजनिक गरिएको छ।