बारा: जिल्ला प्रहरी कार्यालय बारामा कार्यरत प्रहरी निरीक्षक प्रकाश खड्का २०८३ साल असोज महिनाको उत्कृष्ट प्रहरी घोषित हुनुभएको छ। जिल्ला प्रहरी कार्यालय बाराको अपराध अनुसन्धान शाखामा दरबन्दी भई कार्यरत खड्कालाई ‘महिनाको उत्कृष्ट प्रहरी छनोट कार्यविधि–२०८३’ बमोजिम उत्कृष्ट प्रहरीका रूपमा छनोट गरिएको हो।

जिल्ला प्रहरी कार्यालय बाराका प्रमुख प्रहरी उपरीक्षक नरेन्द्र कुँवरले २०८३ साल कार्तिक २० गते खड्कालाई प्रशंसापत्र तथा पुरस्कार प्रदान गर्नुभएको छ। प्रहरी सेवाप्रतिको जिम्मेवारी, कार्यसम्पादन तथा व्यावसायिक दक्षताको मूल्याङ्कनका आधारमा उहाँलाई उत्कृष्ट प्रहरी छनोट गरिएको जनाइएको छ। उत्कृष्ट प्रहरी घोषित हुनुभएका प्रहरी निरीक्षक प्रकाश खड्कालाई बधाई तथा आगामी कार्यसम्पादनका लागि सफलताको शुभकामना व्यक्त गरिएको छ।