६ चैत, काठमाडौं । शुक्रबार देशको पश्चिमी क्षेत्रबाट सक्रिय भएको मनसुनका कारण काठमाडौं उपत्यकासहित विभिन्न स्थानमा हावाहुरीसहित भारी वर्षा भएको छ ।

मौसम विज्ञान विभागका अनुसार लुम्बिनी प्रदेशका बाँके, दाङ, कपिलवस्तु र रुपन्देही लगायत जिल्लामा तीव्र हावाहुरी र वर्षा भएको थियो । हावाहुरी र घना बादलका कारण लुम्बिनी क्षेत्रमा दिउँसै अँध्यारो भएको देखिएको थियो भने बजार क्षेत्रमा सवारी साधनहरू बत्ती बालेर सञ्चालन गर्नुपरेको अवस्था थियो ।

यसैगरी, काठमाडौं उपत्यकामा पनि हावाहुरीसहित वर्षा हुँदा जनजीवन प्रभावित बनेको छ । वर्षापछि सडकहरू हिलोम्यालो भएका छन् भने केही स्थानमा यातायात आवागमनसमेत प्रभावित भएको छ ।

अचानक आएको मौसम परिवर्तनले सर्वसाधारणलाई दैनिक कार्यमा असहजता भएको छ ।