काठमाडौं, असार १, २०८३ — माननीय स्वास्थ्य तथा खाद्य स्वच्छता मन्त्री निशा मेहताज्यूसँग आज मित्रराष्ट्र जर्मनी सरकारको Federal Ministry of Economic Cooperation and Development (BMZ) अन्तर्गत South Asia Division तथा Development प्रमुख Ms. Barbara Schäfer र नेपालका लागि जर्मनीका राजदूत महामहिम H.E. Udo Volz ले शिष्टाचार भेटघाट गर्नुभएको छ।
भेटघाटमा जर्मनी सरकारका विकास साझेदार संस्थाहरू KfW, GIZ तथा PTB नेपालका प्रमुख एवं प्रतिनिधिहरूको समेत सहभागिता रहेको थियो।
भेटका क्रममा नेपाल र जर्मनीबीच लामो समयदेखि कायम रहँदै आएको घनिष्ठ तथा मैत्रीपूर्ण द्विपक्षीय सम्बन्धका विविध पक्षबारे छलफल भएको थियो। साथै, नेपालको स्वास्थ्य क्षेत्रको पूर्वाधार विकास, स्वास्थ्य सेवा सुदृढीकरण तथा विभिन्न विकास परियोजनामार्फत जर्मन सरकारले प्रदान गर्दै आएको सहयोगको उच्च प्रशंसा गरिएको थियो।
मन्त्री मेहताले नेपालको स्वास्थ्य क्षेत्रको विकासमा जर्मनी सरकारको निरन्तर सहयोग र साझेदारीप्रति आभार व्यक्त गर्नुभयो। उहाँले सरकारका प्राथमिकताका क्षेत्रहरूमा विकास साझेदारहरूको सहयोगले सेवा प्रवाहलाई थप प्रभावकारी बनाउन महत्वपूर्ण योगदान पुग्ने विश्वास व्यक्त गर्नुभयो।
सो अवसरमा जर्मन प्रतिनिधिमण्डलले नेपालको विकास प्रयासप्रति आफ्नो प्रतिबद्धता पुनः दोहोर्याउँदै वर्तमान आवश्यकता तथा सरकारका प्राथमिकताका क्षेत्रमा आगामी दिनमा समेत सहयोग, साझेदारी र साथ निरन्तर रहने विश्वास व्यक्त गरेको थियो।
भेटघाट सौहार्दपूर्ण वातावरणमा सम्पन्न भएको मन्त्रालयले जनाएको छ।

-
सेफ गिरी राज भट्ट: संघर्ष, स्वाद र सफलताको प्रेरणादायी यात्रा
-
चल्याे बतास सरर गोरखाको डांडैमा सार्वजनिक, गोरखाका परशुराम थपलियाको नयाँ लोकदोहोरी गीत चर्चामा
-
लोकदोहोरी व्यवसायी संघद्वारा बसपार्कका ६१ दोहोरी साँझलाई सुरक्षा सामग्री हस्तान्तरण
-
मर्स्याङदी गाउँपालिका–८ मा विपन्न परिवारलाई कुखुराका चल्ला वितरण, आयआर्जन तथा स्वरोजगार प्रवर्द्धनमा जोड
-
रास्वपाको गोरखाका सबै पालिकामा अधिवेशन सम्पन्न, जिल्ला अधिवेशन जेठ २४ मा