काठमाडौं — गोकर्णेश्वर नगरपालिकाले माध्यमिक शिक्षा परीक्षा (एसईई) २०८२ मा ४ जीपीए प्राप्त गरेका विद्यार्थीका लागि छात्रवृत्ति कार्यक्रममा आवेदन आह्वान गरेको छ।

नगरपालिकाले बुधबार सूचना जारी गर्दै गोकर्णेश्वर नगरपालिकाभित्र स्थायी बसोबास गर्ने तथा नगरपालिका बाहिरका विद्यालयबाट एसईई २०८२ मा ४ जीपीए प्राप्त गरेका इच्छुक विद्यार्थीलाई छात्रवृत्तिका लागि आवेदन दिन आग्रह गरेको हो।

नगरपालिकाका अनुसार छात्रवृत्ति कार्यक्रममा सहभागी हुन इच्छुक विद्यार्थीहरूले तोकिएका आवश्यक कागजातसहित जेठ ७ गते कार्यालय समयभित्र नगरपालिकामा आवेदन पेस गर्नुपर्नेछ।

नगरपालिकाले उत्कृष्ट शैक्षिक उपलब्धि हासिल गरेका विद्यार्थीलाई प्रोत्साहन गर्दै गुणस्तरीय शिक्षामा पहुँच अभिवृद्धि गर्ने उद्देश्यले उक्त छात्रवृत्ति कार्यक्रम सञ्चालन गरेको जनाएको छ।