तनहुँ। आँबुखैरेनी गाउँपालिकाले आर्थिक वर्ष २०८३/०८४ को स्थानीय तह कार्यसम्पादन मूल्यांकनमा तनहुँ जिल्लाभरका स्थानीय तहमध्ये प्रथम स्थान हासिल गरेको छ।

नेपाल सरकारको सिफारिसमा राष्ट्रिय प्राकृतिक स्रोत तथा वित्त आयोगद्वारा गरिएको मूल्यांकनअनुसार गाउँपालिकाले १७ वटा सूचकका आधारमा कुल ६७.०७ अंक प्राप्त गर्दै उत्कृष्ट स्थान हासिल गरेको हो।

गाउँपालिका अध्यक्ष शुक्र चुमानले यो उपलब्धि गाउँपालिकाका जनप्रतिनिधि, कर्मचारी तथा सम्पूर्ण नागरिकको सामूहिक प्रयासको परिणाम भएको बताउनुभयो। उहाँले आगामी दिनमा अझ प्रभावकारी, पारदर्शी र गुणस्तरीय सेवा प्रवाह गर्ने प्रतिबद्धता व्यक्त गर्नुभयो।

आँबुखैरेनी गाउँपालिकाले प्राप्त उपलब्धिलाई सुशासन, सेवा प्रवाह र विकास व्यवस्थापनमा थप सुधारको आधार बनाउँदै अघि बढ्ने जनाएको छ।