गोरखा — भारतीय राजदूत नवीन श्रीवास्तवले गोरखा जिल्लाको मनकामना मन्दिरको दर्शन गरेका छन्। आइतवार बिहान मनकामना पुगेका राजदूत श्रीवास्तवले दर्शन पश्चात काठमाडौं फर्किएको जिल्ला प्रहरी कार्यालयले जनाएको छ।

जिल्ला प्रहरी कार्यालय गोरखाका प्रमुख एसपी भरतबहादुर बिकका अनुसार पूर्व प्रधानन्यायाधीश चोलेन्द्रशमशेर जबरा भने आइतवार गोरखा सदरमुकाममै बसेका छन्। उनी आज गोरखा दरबारको दर्शनपछि काठमाडौं फर्कने तयारीमा रहेको जनाइएको छ।

राजदूत श्रीवास्तवले मनकामना दर्शन गरेर फर्किएको जानकारी दिइएको छ भने जबरा भने गोरखा दरबार दर्शनका लागि सोमबारसम्म जिल्लामै रहने बताइएको छ।