काठमाडौँ । सामाजिक सञ्जालमार्फत हुने ब्ल्याकमेलिङ तथा साइबर अपराधका घटना बढ्दै गएपछि प्रहरीले सर्वसाधारणलाई सचेत रहन आग्रह गरेको छ ।
डिजिटल प्लेटफर्ममा अपरिचित मात्र नभई चिनजानका व्यक्ति वा साथीभाइबाट समेत जोखिम हुन सक्ने भन्दै प्रहरीले अनलाइनमा अन्धविश्वास नगर्न र व्यक्तिगत गोपनीयता सुरक्षित राख्न आग्रह गरेको हो । “विश्वास गर्नुअघि सोच्नुहोस्” भन्ने नारासहित सार्वजनिक गरिएको सचेतना सन्देशमा अनलाइनमा गरिने सानो गल्तीले भविष्यमा ठूला कानुनी तथा सामाजिक समस्या निम्त्याउन सक्ने उल्लेख गरिएको छ ।
प्रहरीका अनुसार साइबर सुरक्षाका लागि कसैसँग पनि गोप्य तस्बिर आदानप्रदान नगर्न, च्याटिङका क्रममा अश्लील वा आपत्तिजनक भाषा प्रयोग नगर्न तथा दबाब, लोभ वा भावनात्मक कुरामा पारेर गरिने कुनै पनि अनुरोध अस्वीकार गर्न आग्रह गरिएको छ ।
“Trust Me भनेर गरिएको मेसेज भविष्यमा खतरनाक हुन सक्छ,” भन्दै प्रहरीले सतर्क रहन र सुरक्षित डिजिटल अभ्यास अपनाउन अनुरोध गरेको छ ।
यदि कोही व्यक्ति अनलाइन ब्ल्याकमेलिङ वा साइबर अपराधको शिकार भएमा नजिकको प्रहरी कार्यालयमा तत्काल सम्पर्क गर्न पनि प्रहरीले आग्रह गरेको छ ।
-
राष्ट्रिय लोक दोहोरी व्यवसायी संघको शुभकामना आदानप्रदान कार्यक्रम सम्पन्न
-
रेडियोको माइक्रोफोनदेखि कमेडीको मञ्चसम्म : गोरखाका आशिष न्यौपानेको यात्रा
-
विद्यालयका विद्यार्थी र शैक्षिक गतिविधि राजनीतिक प्रयोजनमा प्रयोग नगर्न अमर ज्योति जनता माविको आग्रह
-
काग तिहारको एकाबिहानै कलाकार रमेश दुलालले दरबारमार्गमा यसरी बोलाए सयौँ काग
-
नेपाल संवत् ११४७ को अवसरमा ललितपुरमा साताव्यापी कार्यक्रम