नुवाकोट, वैशाख ६ — दुप्चेश्वर मन्दिरमा शनिबार भक्तजनहरूले चढाएको भेटी रकम १ लाख ७७ हजार ७२० रुपैयाँ संकलन भएको छ।

मन्दिर व्यवस्थापनका अनुसार कुल संकलित रकममध्ये ३ हजार १६५ रुपैयाँ QR मार्फत प्राप्त भएको हो। त्यस्तै, मध्यान्ह आरतीबाट मात्र ७३ हजार ८१० रुपैयाँ संकलन भएको जानकारी दिइएको छ।

भेटी गणना दैनिक रूपमा भइरहेको मन्दिर व्यवस्थापनले जनाएको छ। साथै, समय मिल्ने सबै भक्तजन तथा सरोकारवालाहरूलाई प्रत्येक दिन बेलुका ५ बजे हुने भेटी गणनामा उपस्थित भई सहभागिता जनाउन आग्रह गरिएको छ।