दमौली ०७,बैशाख ।जिल्ला प्रशासन कार्यालय तनहुँको सेवा प्रवाह नयाँ भवनबाट सुरु गरिएको छ ।

जिल्ला प्रशासन कार्यालय तनहुँको सेवा प्रवाह सामाजिक विकास कार्यालयको भवनबाट प्रवाह गर्न सुरु गरिएको हो ।जेनजी आन्दोलनका क्रममा जिल्ला प्रशासन कार्यालय क्षतिग्रस्त हुन पुगेपछि वैकल्पिक रुपमा सामाजिक विकास कार्यालयको भवनबाट सेवा प्रवाह गरिएको हो ।

यसअघि जिल्ला प्रशासन कार्यालयको सेवा प्रवाह दमौली सभागृहबाट समेत सञ्जालन गरिएको थियो । नयाँ भवनबाट सेवा प्रवाह सुरु भएसँगै सेवाग्राहीहरुलाई सुविधा पुग्ने भएको छ ।