काठमाडौं — वैशाख १२ गते बिहान ६ बजेदेखि बस्ती खाली गराइने सूचना जारी गर्दै काठमाडौं महानगरपालिकाले थापाथलीस्थित सुकुमबासी बस्तीमा माइकिङ गरेको छ।

महानगर प्रहरीको टोलीले बुधबार साँझ नेपाल प्रहरी र सशस्त्र प्रहरी बलको सहकार्यमा बस्ती क्षेत्रमा पुगेर सूचना प्रसारण गरेको हो।

महानगरपालिकाका अनुसार तोकिएको मितिदेखि बस्ती खाली गराउने तयारी अन्तर्गत स्थानीय बासिन्दालाई पूर्वसूचना दिन माइकिङ गरिएको हो। यस सम्बन्धमा थप व्यवस्थापन र समन्वयका लागि सुरक्षा निकायको समेत उपस्थितिमा प्रक्रिया अगाडि बढाइएको जनाइएको छ।