काठमाडौं । सौन्दर्य क्षेत्रमा गुणस्तरीय सेवा दिने उद्देश्यले काठमाडौंको सामाखुसीस्थित सिटी स्क्वायर मलको पाचौं तल्लामा ‘ओएसिस युनिसेक्स सैलुन एण्ड स्पा’ सञ्चालनमा आएको छ ।

शनिबार आयोजित भव्य समारोहबीच नेपाली चलचित्र क्षेत्रकी चर्चित अभिनेत्री करिश्मा मानन्धरले रिबन काटेर सैलुनको औपचारिक शुभारम्भ गरेकी हुन् । कार्यक्रममा बोल्दै उनले सञ्चालक टोलीलाई सफलताको शुभकामना व्यक्त गर्दै सौन्दर्य तथा व्यक्तित्व विकास क्षेत्रमा यस्ता व्यवसायको आवश्यकता बढ्दै गएको बताइन् ।

लामो समयदेखि सौन्दर्य क्षेत्रमा सक्रिय रहँदै आएकी व्यवसायी सुशीला थापाले आधुनिक तथा गुणस्तरीय सेवा प्रदान गर्ने उद्देश्यसहित ओएसिस युनिसेक्स सैलुन एण्ड स्पा सञ्चालनमा ल्याएको बताइन् ।

सञ्चालक थापाका अनुसार सैलुनमा दक्ष एवं अनुभवी ब्युटिसियन तथा हेयर डिजाइनरमार्फत म्यानिक्योर, पेडिक्योर, वाक्सिङ, आइल्यास, स्पा, फेसियल एक्सटेन्सन, रिफ्लेक्सोलोजी, नेल सर्भिस तथा हेयर सर्भिस लगायतका सेवा उपलब्ध रहेका छन् । साथै, विशेष ब्युटी तालिमसमेत प्रदान गरिने सलोनले जनाएको छ ।

‘स्टेप इन्टु स्टाइल, ब्युटी एन्ड कन्फिडेन्स’ भन्ने नारासहित सञ्चालनमा आएको ओएसिस युनिसेक्स सैलुन एण्ड स्पामा अन्तर्राष्ट्रियस्तरको प्रविधि तथा आधुनिक सेवा सुविधा उपलब्ध गराइएको सञ्चालक पक्षले जनाएको छ ।

सैलुनले ग्राहकलाई स्तरीय, सुरक्षित र विश्वसनीय सेवा प्रदान गर्ने लक्ष्य राखेको जनाएको छ ।