काठमाडौं । नेपाल प्रहरीका चार जना प्रहरी नायव महानिरीक्षक (डीआईजी) को सरुवा गरिएको छ।

गृहमन्त्री सुधन गुरुङले शुक्रबार डीआईजीहरू गोविन्द थपलिया, ओम राना, सानुराम भट्टराई र ओम अधिकारीको सरुवा गर्ने निर्णय गरेका हुन्।

निर्णयअनुसार मधेश प्रदेशमा कार्यरत डीआईजी गोविन्द थपलियालाई काठमाडौं उपत्यका प्रहरी कार्यालयमा सरुवा गरिएको छ भने सुदूरपश्चिम प्रदेशमा कार्यरत डीआईजी ओम रानालाई प्रहरी प्रधान कार्यालयस्थित अपराध अनुसन्धान विभागमा पठाइएको छ।

त्यस्तै, डीआईजी सानुराम भट्टराईलाई सुदूरपश्चिम प्रदेश प्रहरी कार्यालयमा सरुवा गरिएको छ भने डीआईजी ओम अधिकारीलाई मधेश प्रदेश प्रहरी कार्यालयमा खटाइएको छ।

गृह मन्त्रालयको निर्णयअनुसार गरिएको उक्त सरुवापछि सम्बन्धित डीआईजीहरू नयाँ जिम्मेवारी सम्हाल्ने तयारीमा रहेका छन्।