गोरखा । प्रदेश अस्पताल गोरखाको निमित्त मेडिकल सुपरिटेन्डेन्ट (मेसु) को जिम्मेवारी डा. शम्भु अधिकारीलाई दिइएको छ ।

कन्सल्टेन्ट एनेस्थेसियोलोजिष्टका रूपमा कार्यरत डा. अधिकारीले आइतबारदेखि निमित्त मेसुको जिम्मेवारी सम्हालेका हुन् ।

यसअघि निमित्त मेसुको जिम्मेवारीमा रहेका डा. सिदार्थ खनाल अध्ययनका लागि जिल्ला बाहिर रहनुपर्ने भएपछि अस्पतालले डा. अधिकारीलाई उक्त जिम्मेवारी दिएको जनाएको छ ।

डा. अधिकारी विगत तीन वर्षदेखि प्रदेश अस्पताल गोरखामा कार्यरत छन् । उनी गोरखाको सिरानचोक गाउँपालिका–छोप्राकका स्थायी बासिन्दा हुन् ।

अस्पतालको प्रशासनिक तथा स्वास्थ्य सेवा व्यवस्थापनलाई प्रभावकारी बनाउने जिम्मेवारीसहित डा. अधिकारीले पदभार ग्रहण गरेका छन् ।