काठमाडौं, २१ साउन । राष्ट्रिय परीक्षा बोर्डले कक्षा १२ को पूरक (मौका) परीक्षाको नतिजा सार्वजनिक गरेको छ।

बोर्डले साउन २ र ३ गते सञ्चालन गरेको पूरक परीक्षाको नतिजा बिहीबार राति सार्वजनिक गरेको हो।

बोर्डका अनुसार परीक्षामा सहभागी ७१ हजार ३१० परीक्षार्थीमध्ये ५८ हजार ८९७ जनाले सबै विषयमा ग्रेड प्राप्त गरेका छन्। यो कुल परीक्षार्थीको ८१.१९ प्रतिशत हो।

यस्तै, तीन जना परीक्षार्थीको परीक्षाफल रद्द गरिएको बोर्डले जनाएको छ।

परीक्षाफल बोर्डको वेबसाइट, एसएमएस सेवा तथा आईभीआर सेवामार्फत हेर्न सकिने बोर्डले जनाएको छ।