काठमाडौं । छठ पर्वको अवसरमा सरकारले पर्वको भोलिपल्ट सोमबार पनि सार्वजनिक बिदा दिने निर्णय गरेको छ । गृह मन्त्रालयले सार्वजनिक बिदासम्बन्धी सूचना जारी गर्दै २०८३ कात्तिक २९ गते आइतबार छठ पर्वका अवसरमा दिइएको बिदासँगै कात्तिक ३० गते सोमबार पनि सार्वजनिक बिदा दिने जनाएको हो ।

छठ पर्वमा पहिलो दिन अस्ताउँदो सूर्यलाई अर्घ दिइने र भोलिपल्ट बिहान उदाउँदो सूर्यलाई अर्घ दिएपछि व्रत समापन गर्ने धार्मिक परम्परा रहेकाले थप एक दिन बिदा दिने निर्णय गरिएको मन्त्रालयले जनाएको छ । सरकारको उक्त निर्णयसँगै शनिबारदेखि सोमबारसम्म लगातार तीन दिन सार्वजनिक बिदा हुने भएको छ ।