काठमाडौँ — राष्ट्रिय स्वतन्त्र पार्टी (रास्वपा)ले आज दिउँसो ४ बजे केन्द्रीय समिति बैठक बोलाएको छ। बैठकपछि संसदीय दलको बैठक बस्दै नेता चयन गरिनेछ।

बैठकमा संसदीय दलको नेता छनोटसहित विविध एजेन्डामाथि छलफल हुने रास्वपाले जनाएको छ।

नवनिर्वाचित सांसदहरूले आज सिंहदरबारस्थित संसद भवनमा पद तथा गोपनीयताको शपथग्रहण गरेपछि पार्टीले केन्द्रीय समिति र संसदीय दलको बैठकमार्फत संसदीय दलको नेतामा बालेन्द्र शाह (बालेन)लाई चयन गर्ने तयारी गरेको बताइएको छ।

संसदीय दलको नेता चयन भएपछि पार्टीले राष्ट्रपति कार्यालय नेपालमा संविधानको धारा ७१ (१) बमोजिम गठन हुने सरकारका लागि प्रधानमन्त्रीको नाम पठाउने तयारी गरेको छ।

आजै संसदीय दलको नेता चयन भएमा भोलि शुक्रबार बालेनले प्रधानमन्त्री पदको शपथ लिने तयारीसमेत गरिएको स्रोतले जनाएको छ।