काठमाडौं, मंसिर — आदिवासी जनजाति समुदायको सांस्कृतिक पहिचान संरक्षण, प्रवर्द्धन तथा सिर्जनात्मक प्रतिभाको सम्मान गर्ने उद्देश्यले आयोजना हुँदै आएको राष्ट्रिय आदिवासी संगीत तथा चलचित्र अवार्ड को तेस्रो संस्करणका मनोनयन सार्वजनिक भएका छन्। अवार्ड समारोह यही मंसिरको अन्तिम साता काठमाडौंमा आयोजना हुने आयोजक समितिले जनाएको छ।

अवार्डमा यस वर्ष संगीत र चलचित्र गरी ३४ विधा समावेश गरिएका छन्। विभिन्न समुदायका गायक/गायिका, मोडल, निर्देशक, संगीतकार, गीतकारदेखि चलचित्र कलाकारसम्मको सहभागीता रहेको मनोनयन सूची सार्वजनिक गरिएको हो।

आयोजक संस्थाका अनुसार अवार्ड समारोहमा देश–विदेशका सांस्कृतिक प्रतिनिधि, कलाकार र विशिष्ट अतिथिको उपस्थिति रहनेछ। कार्यक्रममा सांस्कृतिक झाँकी, विशेष प्रस्तुति तथा सम्मान सत्रसमेत समावेश गरिने जनाइएको छ।