logo

मंगलबार, मंसिर २ २०८३

kantipurpationlinetv

२०८३ मंसिर २ मंगलबार

चुमनुब्रीका विभिन्न बस्तीमा नेपाल टेलिकमको फोरजी सेवा विस्तार गरिने

चुमनुब्रीका विभिन्न बस्तीमा नेपाल टेलिकमको फोरजी सेवा विस्तार गरिने


  • मंगलबार, मंसिर २ २०८३
  • 4.8K
    SHARES

    गोरखा । गोरखाको उत्तरी क्षेत्र चुमनुब्री गाउँपालिकाका नौवटा बस्तीमा नेपाल टेलिकमको चौथो पुस्ताको (फोरजी) मोबाइल सेवा विस्तार गरिने भएको छ। आगामी मंसिरदेखि सेवा विस्तारको काम सुरु गर्ने निर्णय भएको गाउँपालिका अध्यक्ष निमा लामाले जानकारी दिए।

    नेपाल टेलिकम वायरलेस सेवा निर्देशनालयका प्रबन्धक उज्ज्वल पोखरेल, उपप्रबन्धक सुशिम पोखरेल तथा वरिष्ठ इन्जिनियरहरूसँग भएको छलफलमा चुम्चेत, सिप्चेत, छेकम्पार, छुले, निले, मु गुम्बा, फिलिम, ठक्पा र सेराङमा फोरजी सेवा सञ्चालन गर्ने सहमति भएको हो।

    त्यसैगरी, ल्हो स्यो डाँडामा विद्युत् सेवा जडानको प्रक्रिया अघि बढाउने प्रतिबद्धतासमेत टेलिकमले जनाएको अध्यक्ष लामाले बताए। नेपाल टेलिकमको बबरमहलस्थित कार्यालयमा भएको छलफलपछि उत्तरी गोरखाका सञ्चार सेवाबाट वञ्चित बस्तीमा मोबाइल सेवा विस्तार हुने अपेक्षा गरिएको छ।


    प्रतिक्रिया दिनुहाेस्
    सम्बन्धित

    Copyright © All right reserved to kantipurpati.com Site By :TriTech

    You cannot copy content of this page