काठमाडौँ । काठमाडौँ महानगरपालिकाका मेयर बालेन शाहले जेन–जी आन्दोलनमा भएको दमनसम्बन्धी विषयमा छानबिन गर्न गठन गरिएको आयोगमा लिखित जवाफ पेस गरेका छन्।

मेयर शाहले आयोगले सोधेका प्रश्नहरूमा केन्द्रित रही सोमबार तीन पृष्ठ लामो लिखित जवाफ बुझाएका हुन्। उनको सचिवालयका अनुसार सोमबार अपराह्न ४ बजे आयोगका १५ वटा प्रश्नको लिखित जवाफ पेस गरिएको हो।

यसअघि आयोगले कांग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’ लाई पनि आफ्नो धारणा पेस गर्न पत्र पठाएको थियो। सोही क्रममा काठमाडौँ महानगरपालिकाका मेयर शाहलाई समेत प्रश्नावलीसहितको पत्र पठाइएको आयोगले जनाएको छ।