२३ भदौ, काठमाडौं — सोमबार भएको जेनजीहरूको प्रदर्शन हिंसात्मक बन्दा देशभरबाट १९ जनाको मृत्यु भएको छ भने ३४७ जना घाइते भएका छन्।

स्वास्थ्य तथा जनसंख्या मन्त्रालयका अनुसार विभिन्न अस्पतालहरूबाट संकलन गरिएको विवरणमा मृत्यु हुनेको संख्या १९ पुगेको हो।

मृतकमध्ये काठमाडौंको सिभिल अस्पतालमा ३, राष्ट्रिय ट्रमा सेन्टरमा ८, एभरेष्ट अस्पतालमा ३, केएमसी अस्पतालमा २, त्रिवि शिक्षण अस्पतालमा १, तथा बीपी कोइराला स्वास्थ्य विज्ञान प्रतिष्ठानमा २ जनाको मृत्यु भएको पुष्टि गरिएको छ।

प्रदर्शनमा घाइते भएका ३४७ जनाको देशभरका विभिन्न अस्पतालहरूमा उपचार भइरहेको मन्त्रालयले जानकारी दिएको छ।

प्रदर्शन कसरी हिंसात्मक भयो र घाइतेहरूको अवस्था कस्तो छ भन्नेबारे थप विवरण आउन बाँकी छ।