काठमाडौं । कलाकार सागर लम्साल ‘बले’ हाजिरी जमानीमा रिहा भएका छन् ।

जिल्ला प्रशासन कार्यालय काठमाडौंको आदेशमा उनलाई शुक्रबार परिवारको जिम्मा लगाइएको हो । जिल्ला प्रहरी परिसर काठमाडौंका प्रवक्ता पवन भट्टराई ले बले रिहा भएको पुष्टि गरेका छन् ।

प्रहरीका अनुसार उनलाई अभद्र व्यवहारसम्बन्धी कसुरमा पाँच दिनअघि पक्राउ गरिएको थियो । सोही कसुरमा अनुसन्धानका लागि उनलाई हिरासतमा राखिएको थियो ।

यसैबीच, अमेरिकामा बस्दै आएकी संगम बिष्ट ले बलेमाथि बलात्कारको आरोप लगाएकी छन् । उनले अमेरिकामा बलेविरुद्ध मुद्दा दायर गरेको बताइएको छ ।