काठमाडौं — संसदको दोस्रो ठूलो दल नेपाली कांग्रेसले २० जना समानुपातिक सांसदको नाम टुंगो लगाएको छ। आज बसेको बैठकले १५ महिला र ५ पुरुष सांसदको नाम फाइनल गरेको पार्टी प्रवक्ता देवराज चालिसेले जानकारी दिए।

नेपाली कांग्रेसले समानुपातिकतर्फ २० सीट जितेको छ। प्रतिनिधिसभा र राष्ट्रिय सभा गरी पार्टीका कुल ६२ सांसद हुनेछन्। चालिसेका अनुसार ३३ प्रतिशत महिला प्रतिनिधित्व सुनिश्चित गर्न समानुपातिकमा १५ महिला उम्मेदवार चयन गरिएको हो।

जातीय/साँस्कृतिक वितरण अनुसार, आदिवासी जनजातिबाट ६, खस–आर्यबाट ६, र थारु, दलित, मधेसी, मुस्लिम तथा पिछडिएका समूहबाट ५ सांसद चयन गरिएको छ।