logo

शुक्रबार, मंसिर ५ २०८३

kantipurpationlinetv

२०८३ मंसिर ५ शुक्रबार

दुबईमा नेपालीलाई ठग्ने नेपालीमाथि कारबाही गर्न गृहमन्त्री गुरुङको निर्देशन

दुबईमा नेपालीलाई ठग्ने नेपालीमाथि कारबाही गर्न गृहमन्त्री गुरुङको निर्देशन


  • बिहिबार, मंसिर ४ २०८३
  • 0.8K
    SHARES

    काठमाडौं । गृहमन्त्री सुधन गुरुङले संयुक्त अरब इमिरेट्स (यूएई) मा नेपाली नागरिकलाई ठगी गर्ने नेपालीलाई कानुनी कारबाहीको दायरामा ल्याउन निर्देशन दिएका छन् ।

    यूएईको औपचारिक भ्रमणमा रहेका मन्त्री गुरुङले दुबईस्थित नेपाली महावाणिज्यदूतावासमा आयोजित नेपाली समुदायसँगको अन्तरक्रियाका क्रममा यस्तो निर्देशन दिएका हुन् ।

    कार्यक्रममा सहभागी नेपालीहरूले दुबईमा नेपालीबाटै नेपाली ठगिने गरेको तर त्यस्ता गतिविधिमा संलग्न व्यक्तिमाथि कारबाही हुन नसकेको भन्दै गुनासो गरेका थिए ।

    त्यसक्रममा दुबईका लागि नेपाली महावाणिज्यदूत हरि ओडारीले विदेशमा ठगी धन्दामा संलग्न नेपालीलाई कानुनी दायरामा ल्याउने विषयमा नैतिक सङ्कट हुने गरेको बताएका थिए । राजनीतिक नेतृत्वबाट स्पष्ट निर्देशन आए त्यस्ता व्यक्तिमाथि कारबाही अघि बढाउन सकिने उनको भनाइ थियो ।

    महावाणिज्यदूत ओडारीको भनाइपछि गृहमन्त्री गुरुङले नेपालीलाई नै ठगी गरेर नेपालको प्रतिष्ठामा आँच पुर्‍याउने व्यक्तिमाथि कारबाही गर्न कुनै संकोच गर्न नहुने बताए ।

    ‘किन नैतिक सङ्कट ? नेपालीलाई ठगेर नेपालीकै इज्जत फाल्ने जोकोहीलाई कारबाही किन नगर्ने ?’ भन्दै उनले प्रश्न गरेका थिए ।

    गृहमन्त्री गुरुङले नेपाली नागरिकलाई ठगी गर्ने जोकोहीलाई कानुनी कारबाहीको दायरामा ल्याउन निर्देशनसमेत दिए ।

    विश्व प्रहरी सम्मेलनमा सहभागी हुन यूएई पुगेका गृहमन्त्री गुरुङले भ्रमणका क्रममा यूएईका उच्च अधिकारीहरूसँग भेटवार्ता गर्नुका साथै नेपाली समुदायसँग अन्तरक्रिया गरेका थिए । भ्रमण सम्पन्न गरी उनी स्वदेश फर्किएका छन् ।


    प्रतिक्रिया दिनुहाेस्
    सम्बन्धित

    Copyright © All right reserved to kantipurpati.com Site By :TriTech

    You cannot copy content of this page