गोरखा । आरुघाट गाउँपालिकाले गाउँपालिकाको कार्यालयबाटै स्थायी लेखा नम्बर (प्यान) दर्तासम्बन्धी सेवा सुरु गरेको छ।
यसअघि आन्तरिक राजस्व कार्यालय तथा करदाता सेवा कार्यालयबाट प्रदान हुँदै आएको व्यक्तिगत तथा व्यावसायिक प्यान दर्तासम्बन्धी सेवा अब आरुघाट गाउँ कार्यपालिकाको कार्यालयबाटै उपलब्ध हुने भएको हो।
गाउँपालिकाका अनुसार अब करदाता दर्तासम्बन्धी कार्य नियमित रूपमा गाउँपालिकाबाटै सञ्चालन हुनेछ।
यसअघि प्यान दर्ता तथा करसम्बन्धी अन्य कामका लागि आरुघाट क्षेत्रका उद्योगी, व्यवसायी तथा सर्वसाधारण सदरमुकामसम्म पुग्नुपर्ने बाध्यता थियो। गाउँपालिकाबाटै सेवा सुरु भएपछि सेवाग्राहीको समय र खर्च बचत हुने अपेक्षा गरिएको छ।
विशेषगरी नयाँ व्यवसाय सञ्चालन गर्न चाहने, व्यक्तिगत प्यान लिनुपर्ने तथा करदाता दर्तासम्बन्धी काम गर्नुपर्ने नागरिकले अब आफ्नै पालिकाबाट सेवा लिन सक्नेछन्।
गाउँपालिकाले सेवाको प्रभावकारी सञ्चालनका लागि आवश्यक व्यवस्थापन मिलाइएको जनाउँदै आवश्यक कागजातसहित कार्यालयमा सम्पर्क गर्न सेवाग्राहीलाई आग्रह गरेको छ।
स्थानीय तहमै करसम्बन्धी सेवा उपलब्ध हुन थालेपछि नागरिकलाई सहजता हुनुका साथै करदाता दर्ताको दायरा विस्तारमा समेत सहयोग पुग्ने विश्वास गाउँपालिकाले लिएको छ।
-
तीन जिल्लाको भूगोल, इतिहास र मातृभूमिको प्रेम समेट्दै रामचन्द्र ढकालको ‘स्याङ्जाको बजार–२, म्हाँजु भञ्ज्याङ’ सार्वजनिक
-
धुम्बाराहीमा खुल्दै जिग्री सेकुवाको १०औँ आउटलेट, पहिलो १०० ग्राहकलाई विशेष अफर
-
रेडियोको माइक्रोफोनदेखि कमेडीको मञ्चसम्म : गोरखाका आशिष न्यौपानेको यात्रा
-
नेपाल कपडा तथा सिलाइ व्यवसायी महासंघको शुभकामना आदान–प्रदान तथा चियापान कार्यक्रम सम्पन्न
-
ताकुकोट न्वागी मेला मंसिर ५ र ६ गते, बल्छी ध्रुवेसहित चर्चित कलाकारहरुको भव्य प्रस्तुति रहने