सत्तारुढ दल रास्वपाका उपसभापति डीपी अर्यालले प्रतिनिधिसभाको नयाँ सभामुख पदका लागि मनोनयन दर्ता गरेका छन्। रास्वपा दुई तिहाइ नजिक भएकाले अर्याल निर्विरोध सभामुख निर्वाचित हुने सम्भावना रहेको छ।

निर्वाचन कार्यतालिका अनुसार आज साढे २ बजे उम्मेदवारको सूची प्रकाशित गरिनेछ। आइतबारको प्रतिनिधिसभा बैठकमा प्रस्तावकले प्रस्ताव राख्ने, समर्थकले समर्थन गर्ने र त्यसपछि सामूहिक छलफलपछि निर्णयार्थ प्रस्तुत गरिनेछ।

रास्वपाको संसदीय दलको बैठकले यसअघि नै अर्याललाई सभामुखका लागि अघि सार्ने निर्णय गरेको थियो।