काठमाडौं: राष्ट्रिय स्वतन्त्र पार्टी (रास्वपा)ले संसदीय दलको प्रमुख सचेतकमा कवीन्द्र बुर्लाकोटीलाई चयन गरेको छ।

बिहीबार बसेको संसदीय दलको बैठकले बुर्लाकोटीलाई प्रमुख सचेतक नियुक्त गर्ने निर्णय गरेको हो।

गोरखा क्षेत्र नं. २ बाट निर्वाचित बुर्लाकोटी रास्वपाका महामन्त्री समेत हुन्।

त्यस्तै, पार्टीले सचेतकमा प्रकाशचन्द्र परियार र क्रान्तिशिखा धिताललाई चयन गरेको छ। परियार र धिताल दुवै रास्वपाका केन्द्रीय सदस्य हुन्।

उनीहरू दुवैजना समानुपातिक प्रणालीमार्फत प्रतिनिधि सभामा निर्वाचित भएका हुन्।