काठमाडौं । सरकारले गोविन्दबहादुर कार्कीलाई नेपाल सरकारको मुख्य सचिव पदमा नियुक्त गर्ने निर्णय गरेको छ।

आज बसेको मन्त्रिपरिषद् बैठकले प्रधानमन्त्री तथा मन्त्रिपरिषद्को कार्यालयका सचिव गोविन्दबहादुर कार्की लाई मुख्य सचिवमा नियुक्त गर्ने निर्णय गरेको हो।

सरकारका प्रवक्ता सस्मित पोखरेलका अनुसार मन्त्रिपरिषद्को निर्णयअनुसार कार्कीले अब नेपाल सरकारको प्रशासनिक नेतृत्व सम्हाल्नेछन्।

कार्की हाल प्रधानमन्त्री तथा मन्त्रिपरिषद्को कार्यालयमा सचिवका रूपमा कार्यरत थिए। लामो प्रशासनिक अनुभव बोकेका उनी मुख्य सचिव नियुक्त भएसँगै संघीय निजामती प्रशासनको नेतृत्व गर्ने जिम्मेवारीमा पुगेका छन्।