लोकप्रिय गायिका सुनिता दुलालले शनिबार आफ्ना प्रेमी राजेश केसीसँग वैवाहिक जीवनमा प्रवेश गरेकी छिन्। उनीहरूले काठमाडौंको मूलपानीस्थित नर्लिङ रिसोर्टमा आयोजना गरिएको पारिवारिक समारोहमार्फत लगनगाँठो कसेका हुन्।

बिहे समारोहमा परिवारका सदस्य, आफन्त तथा नजिकका कलाकारहरूले सहभागिता जनाएका थिए। सुनिता र राजेश करिब ४ वर्षदेखि प्रेम सम्बन्धमा थिए।

निर्माण व्यवसायीसमेत रहेका राजेश पेशाले इन्जिनियर हुन्। रुकुम पश्चिम स्थायी घर भएका उनले पछिल्लो केही वर्षदेखि काठमाडौंमै बसोबास गर्दै आएका छन्।