गोरखा — काठमाडौं इन्स्टिच्युट अफ चाइल्ड हेल्थ (किओच) नेपाल र आँपपिपल अस्पतालको सहकार्यमा आँपपिपल अस्पतालमा दुई दिने निःशुल्क बाल स्वास्थ्य शिविर सम्पन्न भएको छ।
बिहीबार र शुक्रबार आयोजित शिविरमा २१५ जना बालबालिकाको स्वास्थ्य परीक्षण गरिएको किओच नेपालले जनाएको छ।
शिविरमा वरिष्ठ बालरोग विशेषज्ञ तथा किओच नेपालका अध्यक्ष डा. भगवान कोइरालासहित विभिन्न विषयका विशेषज्ञ चिकित्सकहरूले सेवा प्रदान गरेका थिए।
शिविरअन्तर्गत मुटुरोग, छाती रोग, मिर्गौला रोग, रगत तथा क्यान्सरजन्य रोगलगायतका समस्याको परीक्षण, परामर्श तथा उपचार गरिएको थियो।
शिविरमार्फत गोरखाको ग्रामीण क्षेत्रका बालबालिकाले विशेषज्ञ सेवा लिने अवसर पाएको भन्दै आँपपिपल अस्पताल व्यवस्थापन समितिकी अध्यक्ष पार्वती पाठकले किओच नेपालप्रति आभार व्यक्त गरेकी छन्।
प्रतिक्रिया दिनुहाेस्
सम्बन्धित
-
यात्रु सेवामा दिनरात खटिँदै गोरखा दरौँदी यातायातका अध्यक्ष दिपक बोहोरा
-
राष्ट्रिय लोक तथा दोहोरीगीत प्रतिष्ठानको केन्द्रीय कार्यसमितिमा गोरखाका तीनजना
-
फेसबुक मोनिटाइजेसन : आम्दानीको लोभमा हराउँदै गएको डिजिटल मर्यादा – आबेश कुमार श्रेष्ठ
-
परदेशी नेपालीको मन छुने दशैं गीत ‘दशैं आयो तिहारै आयो’ सार्वजनिक
-
दसैँ मनाउन घर फर्किनेको लर्को, नयाँ बसपार्कदेखि कलंकीसम्म चहलपहल