काठमाडौं — पूर्वप्रधानमन्त्री तथा नेकपा एमालेका अध्यक्ष केपी शर्मा ओलीलाई पितृशोक परेको छ। उनका बुवा मोहन प्रसाद ओलीको ९७ वर्षको उमेरमा निधन भएको छ।

एमालेकी सचिव पद्मा अर्यालले मोहन प्रसाद ओलीको निधन भएको जानकारी दिएकी हुन्। केही दिनदेखि अस्वस्थ रहेका मोहन प्रसाद ओलीको आज बिहान भक्तपुरको गठ्ठाघरस्थित कोरियन अस्पतालमा उपचारका क्रममा निधन भएको हो।

स्रोतका अनुसार उनको पार्थिव शरीर ओली निवास गुण्डुमा लैजाने तयारी गरिएको छ। आज दिउँसो पशुपति आर्यघाटमा उनको अन्त्येष्टि गरिने जनाइएको छ।