कञ्चनपुर — गोल्डेन ब्रिज पब्लिक स्कूल ले शैक्षिक सत्र २०८२ को वार्षिक परीक्षाको नतिजा प्रकाशन गर्ने मिति तय गरेको छ।
विद्यालय प्रशासनका अनुसार नतिजा २०८२ चैत ३० गते सोमबार बिहान ठीक १० बजे विद्यालय परिसरस्थित सूचना पाटीमार्फत सार्वजनिक गरिनेछ। विद्यार्थी तथा अभिभावकलाई तोकिएको समयमा उपस्थित भई नतिजा अवलोकन गर्न आग्रह गरिएको छ।
यससँगै विद्यालयले नयाँ शैक्षिक सत्र २०८३ का लागि भर्ना अभियान पनि औपचारिक रूपमा सुरु गरेको जनाएको छ। गुणस्तरीय शिक्षा, अनुशासित वातावरण तथा आधुनिक शिक्षण विधिमार्फत विद्यार्थीको समग्र विकासमा जोड दिँदै आएको विद्यालयले नयाँ भर्नाका लागि अभिभावक तथा विद्यार्थीलाई आकर्षित गरेको छ।
विद्यालयमा दक्ष तथा अनुभवी शिक्षकद्वारा पठनपाठन, प्रविधिमैत्री कक्षा कोठा, नियमित अतिरिक्त क्रियाकलाप, व्यक्तित्व विकास कार्यक्रम, मनोपरामर्श सेवा, खेलकुद तथा सांस्कृतिक गतिविधिमा विशेष जोड दिइँदै आएको छ। साथै, विद्यार्थीको क्षमता अभिवृद्धिका लागि विभिन्न सीपमूलक कार्यक्रम र व्यक्तिगत ध्यान (individual care) को व्यवस्था पनि गरिएको विद्यालयले जनाएको छ।
सुरक्षित तथा शैक्षिक वातावरण, नियमित मूल्यांकन प्रणाली र अभिभावक–विद्यालय समन्वयमार्फत विद्यार्थीको उज्ज्वल भविष्य निर्माणमा प्रतिबद्ध रहेको विद्यालयले समयमै भर्ना भई अवसरको सदुपयोग गर्न आग्रह गरेको छ।
विद्यालय प्रशासनले सबै विद्यार्थीहरूको सफलताको कामना गर्दै नतिजा हेरेपछि ढिला नगरी भर्ना प्रक्रियामा सहभागी हुन अभिभावक तथा विद्यार्थीलाई अनुरोध गरेको छ।
-
सेफ गिरी राज भट्ट: संघर्ष, स्वाद र सफलताको प्रेरणादायी यात्रा
-
चल्याे बतास सरर गोरखाको डांडैमा सार्वजनिक, गोरखाका परशुराम थपलियाको नयाँ लोकदोहोरी गीत चर्चामा
-
झम्के रोधी क्लबको चौथो वार्षिकोत्सव आज सम्पन्न हुँदै
-
लोकदोहोरी व्यवसायी संघद्वारा बसपार्कका ६१ दोहोरी साँझलाई सुरक्षा सामग्री हस्तान्तरण
-
मर्स्याङदी गाउँपालिका–८ मा विपन्न परिवारलाई कुखुराका चल्ला वितरण, आयआर्जन तथा स्वरोजगार प्रवर्द्धनमा जोड