गोरखा — पालुङटार नगरपालिका–४, लुइँटेलस्थित श्री अमर ज्योति जनता माध्यमिक विद्यालयले शैक्षिक सत्र २०८३ का लागि नर्सरीदेखि कक्षा ९ सम्म विद्यार्थी भर्ना खुला गरेको छ। विद्यालयले “उज्ज्वल भविष्यतर्फको पहिलो पाइला!” भन्ने नारासहित नयाँ शैक्षिक सत्रका लागि भर्ना प्रक्रिया सुरु गरेको जनाएको छ।

विद्यालयका अनुसार अनुभवी तथा समर्पित शिक्षकहरूको टोलीमार्फत शिक्षण–अध्यापन हुँदै आएको छ। आधुनिक कक्षा कोठा, सुरक्षित तथा समावेशी वातावरण, व्यवस्थित पुस्तकालय र विद्यार्थीमैत्री पूर्वाधार विद्यालयका प्रमुख विशेषताका रूपमा रहेका छन्।

विद्यालयले गण्डकी प्रदेश स्तरमै माध्यमिक तहमा उत्कृष्ट नतिजा हासिल गर्नुका साथै पालुङटार नगरपालिकाभित्र एसईई परीक्षामा उत्कृष्ट प्रदर्शन गर्न सफल भएको जनाएको छ। विद्यार्थीहरूको शैक्षिक उपलब्धिसँगै उनीहरूको सर्वाङ्गीण विकासमा जोड दिइँदै आएको विद्यालय प्रशासनको भनाइ छ।

प्राविधिक तथा व्यवहारिक शिक्षालाई प्राथमिकता दिँदै विद्यालयमा पूर्ण सुविधा सम्पन्न विज्ञान प्रयोगशाला र आधुनिक कम्प्युटर ल्याब सञ्चालनमा रहेको छ। कम्प्युटर ल्याबमा आर्टिफिसियल इन्टेलिजेन्स (AI) सम्बन्धी अभ्याससमेत समावेश गरिएको जनाइएको छ।

विद्यालयले छात्राहरूका लागि सुविधा सम्पन्न छात्रावास (होस्टेल) को व्यवस्था समेत गरेको छ। सुरक्षित, अनुशासित र अध्ययनमैत्री वातावरण निर्माणमा विद्यालयले विशेष ध्यान दिएको बताइएको छ।

विद्यालयका सूचना अधिकारी सोम प्रसाद मुडवरीले गुणस्तरीय शिक्षासँगै प्रविधिमैत्री र व्यवहारिक सिकाइमा विद्यालयले विशेष जोड दिएको बताए। “विद्यार्थीहरूको शैक्षिक सफलतासँगै उनीहरूको समग्र व्यक्तित्व विकास हाम्रो प्राथमिकता हो,” उनले भने, “आगामी शैक्षिक सत्रमा अझ प्रभावकारी र गुणस्तरीय शैक्षिक वातावरण निर्माण गर्ने लक्ष्य लिएका छौं।”

भर्ना सम्बन्धी थप जानकारीका लागि इच्छुक अभिभावक तथा विद्यार्थीहरूले विद्यालयका फोन नम्बर ९८४६०५७५९९ र ९८४६२४१६०५ मा सम्पर्क गर्न सक्नेछन्। साथै, www.amarjyoti.edu.np वेबसाइटमार्फत पनि विस्तृत जानकारी प्राप्त गर्न सकिनेछ।

विद्यालयले अनलाइन आवेदन प्रणाली समेत सञ्चालनमा ल्याएको छ, जसअन्तर्गत “APPLY NOW” मार्फत आवेदन दिन सकिने व्यवस्था गरिएको छ। पालुङटार नगरपालिकाकै “नमूना विद्यालय”का रूपमा परिचित यस विद्यालयले आगामी शैक्षिक सत्रमा अझ उत्कृष्ट नतिजा दिने लक्ष्य लिएको जनाएको छ।